Elektrovnnalaš áššiiddikšun
Guoddalusa dahkan elektrovnnalaččat
Vuoigatvuođaáššeolbmui sáhttá dahkat guoddalusa elektrovnnalaš skoviiguin, mat doibmet Stáhta diehto- ja gulahallanteknihkkaguovddáš Valtori Dorvosátni-bálvalusas. Skovit devdojit ja sáddejuvvojit suoji čađa vuoigatvuođaáššeolbmo kánsliijai.
Skoviiguin sáhttá dahkat guoddalusa duođaštemiin identitehta dahje dan haga. Identitehta duođašteamis geavahuvvo Digi- ja álbmotdiehtovirgedoaimmahaga fállan suomi.fi-duođašteami. Lassidieđut heaggadieđuid gieđahallamis identitehta duođašteami oktavuođas lea oažžumis suomi.fi-identitehta duođašteami diehtosuodječilgehusas (suomagillii).
Dieđut maid čogget skoviiguin, mannet vuoigatvuođaáššeolbmo kánsliija registrerenkantuvrra šleađgapostii. Doppe ášši girjejuvvo min áššehálddašanvuogádahkii. Loga eambbo min doaibmaváldái gullevaš áššiid gieđahallamii laktáseaddji heaggadieđuid gieđahallamis. Dieđut vurkejuvvojit maiddái Valtori Dorvosátnebálvalussii 90 beaivái buoridan dihtii diehtosirdima luohtehahttivuođa ja dieđuid oažžuma.
Guoddalusa lea vejolaš dahkat maiddái sáddemiin guoddalusa riikkabeivviid vuoigatvuođaáššeolbmo kánsliija registrerenkantuvrra sátnin, mii dollojuvvo čiegusin, riikkabeivviid kánsliija dorvosáni bokte. Valtori ja Dorvosátni-bálvalusa buvttadeapmái oassálasti Erillisverkot Oy gieđahallet heaggadieđuid (šleađgapoastačujuhus, IP-čujuhus ja telefonnummir, juos sáni sáddemis geavahuvvo mátketelefonnannehus) dušše bálvalusa doaimmaheami várás, geavaheaddjiid dovdáma várás ja geavahanrivttiid ja diehtodorvvolašvuođa hálddašeami várás. Rahppon sánit seilot Dorvosátni-bálvalusas 30 beaivvi ja rabakeahtes sánit 60 beaivvi.
Vuoigatvuođaáššeolbmui sáhttá guoddalit maiddái reivviin, šleađgapoasttain dahje doaimmahemiin guoddalusa persovnnalaččat vuoigatvuođaáššeolbmo kánsliijai.
Iešguđet kanálaid bokte boahtán guoddalusat ja eará áššit girjejuvvojit min áššehálddašanvuogádahkii (min doaibmaváldái gullevaš áššiid gieđahallan).
Galledeapmi neahttasiidduin
Min siidu lea buohkaide rabas, itge don dárbbaš addit iežat heaggadieđuid eambbo go dalle go dagat guoddalusa ovdalis namuhuvvon skoviid bokte.
Min neahttasiidduid geavaheaddjiid siidoluđemiin vurkejuvvo diehtu bálvalusa doibmii guoski čoahkkáigeasuid ráhkadeami várás ja feailadiliid čielggadeami várás. Mii geavahit neahttasiidduineamet Matomo-analytihkkabargoneavvu, mainna čohkket anonyma dáhta galledeaddjiin. Matomo ii ásat diehtočoahkuid iige čohkkejuvvon dáhta (dego anonymiserejuvvon IP-čujuhus ja dan vuođul árvvoštallojuvvon riika/gávpot, gehččojuvvon siiddut ja galledeami áigi ja diehtu neahttaloganis, rusttega modeallas ja geavahanortnegis) sáhte ovttastahttit ovttaskas olbmui.
Media šleađgapoastajuohkinlisttut
Vuoigatvuođadoaimmaheaddjiid šleađgapoastajuohkinlisttu bokte vuoigatvuođaáššeolbmo kánsliija gulahallan gaskkusta dieđáhusaid ja eará dieđuid, mat laktásit media doibmii. Juohkinlisttu bokte riikkabeivviid vuoigatvuođaáššeolbmo áššiin beroštuvvan media ovddasteaddjiid sáhttá fáhtet čujuhemiin riekta ja johtilit ja dakko bokte doarjut media barggu.
Juohkinlistui vurkejuvvo olbmo šleađgapoastačujuhus, namma ja bargoaddi. Šleađgapoastačujuhus ožžojuvvo registrerejuvvon olbmos alddis dahje olbmos, gii lea almmuhan su. Gulahallan sáhttá maid lasihit juohkinlisttuide čujuhusaid sihkkarastin dihtii diehtojuohkima joatkašuvvama ovdamearkka dihtii dalle, go doaimmahusas molsašuvvet olbmot.
Riikkabeivviid vuoigatvuođaáššeolbmo kánsliija geavaha maiddái riikkabeivviid kánsliija juohkinlisttuid. Loga riikkabeivviid neahttasiidduin eambbo heaggadieđuid gieđahallamis media šleađgapoastalisttuin (suomagillii).
Masa min gieđahallan vuođđuduvvá
Mii gieđahallat heaggadieđuid čuovvun dihtii digibálvaluslága (306/2019) 5 § geatnegasvuođa fállat juohkehažžii vejolašvuođa doaimmahit iežas áššiiddikšundárbui laktáseaddji elektrovnnalaš sániid ja áššegirjjiid geavahemiin digitála bálvalusaid dahje eará elektrovnnalaš diehtosirdinmetodaid. Heaggadieđuid gieđahallan vuođđuduvvá diehtosuodjeásahusa 6 artihkkala 1 čuoggá c vuollečuoggái.
Mii gieđahallat erenomáš heaggadiehtojoavkkuid almmolaš ovddu vuođul (diehtosuodjeásahusa (EU 2016/679) 9 artihkkala 2 čuoggá g vuollečuokkis ja diehtosuodjelága (1050/2018) 6 § 1 mom. 2 čuokkis.
Mii gieđahallat media šleađgapoastajuohkinlisttu heaggadieđuid almmolaš ovdui guoski barggu čađaheami várás ja riikkabeivviid vuoigatvuođaáššeolbmo kánsliijaid gullevaš almmolaš válddi geavaheami várás (diehtosuodjeásahusa (EU 2016/679) 6 artihkkala 1 čuoggá e vuollečuokkis).
Dieđuid addin
Dieđut eai addojuvvo njuolgguslaččat.
Riikkabeivviid vuoigatvuođaáššeolbmo kánsliija geavahan diehtovuogádagaid bálvalusbuvttadeaddjit besset dieđuid bajásdoallan- ja ovddidanbargguid várás. Dat gieđahallet heaggadieđuid riikkabeivviid vuoigatvuođaáššeolbmo kánsliija bargogohččosa vuođul, eaige dat oaččo gieđahallat dieđuid eambbo go sohppojuvvon bálvalusa buvttadeapmái.
Dieđut addojuvvojit sidjiide, geat daid bivdet virgeoapmahačča doaimma almmolašvuođas addojuvvon lága mielde. Dieđut ja áššegirjjit leat almmolaččat, juos dat eai namalassii leat lágain ásahuvvon dollojuvvot čiegusin.
Dieđut eai addojuvvo njuolggomárkanfievrrideami dahje oaivil- dahje márkandutkamuša várás.
Dieđut eai sirdojuvvo Eurohpa uniovnna (EU) dahje Eurohpa ekonomiijaguovllu (ETA) olggobeallái.
Du diehtosuodjevuoigatvuođat
Loga eambbo iežat diehtosuodjevuoigatvuođain