Min diehtosuodjegeavadagat

Riikkabeivviid vuoigatvuođaáššeolmmoš bearráigeahččá virgeoapmahaččaid doaimmaid lágalašvuođa dutkamiin guoddalusaid, dahkamiin dárkkistemiid ja darvánemiin váilevašvuođaide maiddái iežas álgaga vuođul. Dán barggus riikkabeivviid vuoigatvuođaáššeolbmo kánsliijai čoggojit heaggadieđut ja earálágan dieđut.

Dus lea vuoigatvuohta oažžut diehtit, guđe ulbmiliidda ja makkár vugiiguin mii gieđahallat du dieđuid.

Mii figgat dáid neahttasiidduid diehtosuodjegeavadagaid govvádusaiguin addit gokčevaš gova min heaggadieđuid gieđahallamis min doaimmain. Juos eat leat lihkostuvvan min mihttomearis, sáhtát čujuhit dárkkálmahtti gažaldagaid sáddemiin sáni vuoigatvuođaáššeolbmo kánsliijai.

Riikkabeivviid vuoigatvuođaáššeolbmo kánsliija oktavuođadieđut

Manin mii gieđahallat heaggadieđuid

Mii gieđahallat heaggadieđuid vuoigatvuođaáššeolbmo vuođđolágas ja riikkabeivviid vuoigatvuođaáššeolbmos addojuvvon lágas (197/2002) ásahuvvon lágalašvuođabearráigeahččanbargguid ja vuoigatvuođaáššeolbmo kánsliija hálddahusáššiid dikšuma várás (erenomážit áššegirje- ja bargoveahkahálddahus).

Heaggadieđuid gieđahallamii riikkabeivviid vuoigatvuođaáššeolbmo kánsliijas guoskaduvvo EU almmolaš diehtosuodjeásahus ja dan dárkkálmahtti ja dievasmahtti diehtosuodjeláhka (1050/2018) ja rihkusáššiid diehtosuodjeláhka (1054/2018), dalle go vuoigatvuođaáššeolmmoš geavaha vuođđolága 110 §:s ásahuvvon áššáskuhttinvuoigatvuođa.

Heaggadieđuid gieđahallan vuođđuduvvá eanáš diehtosuodjeásahusa 6 artihkkala 1 čuoggá c vuollečuoggái (gieđahallamii lea dárbu registtardoalli láhkageatnegahtton geatnegasvuođa čuovvuma várás). Áššiiddikšumis telefovnnas ja media e-boastalisttuin mii gieđahallat heaggadieđuid almmolaš ovdui guoski barggu čađaheami várás ja riikkabeivviid vuoigatvuođaáššeolbmo kánsliijai gullevaš almmolaš válddi geavaheami várás (diehtosuodjeásahusa (EU 2016/679) 6 artihkkala 1 čuoggá e vuollečuokkis).

Erenomáš heaggadiehtojoavkkuide guoski gieđahallama riektevuoigatvuođavuođđun lea diehtosuodjeásahusa 9 artihkkala 2 čuoggá g vuollečuokkis (gieđahallamii lea dárbu almmolaš ovdui guoski siva vuođul) ja diehtosuodjelága 6 § 1 momeantta 2 čuokkis. Rihkusduomuide ja rihkkumušaide laktáseaddji heaggadieđuid gieđahallama vuoigatvuođaággan lea diehtosuodjeásahusa 10 artihkal ja diehtosuodjelága 7 § 1 momeantta 2 čuokkis. Vuoigatvuođaáššeolbmo geavahettiin áššáskuhttinvuoigatvuođas, heaggadieđuid gieđahallan vuođđuduvvá rihkusáššiid diehtosuodjeláhkii (1054/2018).

Riikkabeivviid vuoigatvuođaáššeolbmo kánsliijas eai dahkkojuvvo automáhtalaš mearrádusbargamii vuođđuduvvi mearrádusat. Kánsliija ii daga profilerema daid heaggadieđuid vuođul, maid gieđahallá.

Loga eambbo heaggadieđuid gieđahallamis vuoigatvuođaáššeolbmo kánsliija doaimmas: