Áššiiddikšun báikki alde

Ášši johtuibidjan

Min neahttasiidduin leat elektrovnnalaš skovit, maid bokte sáhttá guoddalit riikkabeivviid vuoigatvuođaáššeolbmui. Loga eambbo heaggadieđuid gieđahallamis barggadettiinat guoddalusa elektrovnnalaččat. 

Ášši sáhttá goittotge bidjat johtui maiddái buktimiin áššegirjjiid riikkabeivviid Pikkuparlamentti váldouvssa boađáhaga gozihanbáikái (F-uksa, Arkadiankatu 3) dii 9–16.

Áššiiddikšun riikkabeivviid vuoigatvuođaáššeolbmo kánsliijas eaktuda, ahte deaivvadeapmi sohppojuvvo ovddalgihtii. Dieđut galledeaddji olbmo namas ja organisašuvnnas, boahtin- ja vejolaš eretvuolgináiggis ja vuostáiváldi oktavuođaolbmo namas gaskkustuvvojit riikkabeivviid kánsliija galledanboađáhaga gozihanbáikái. Riikkabeivviid kánsliija gieđahallá registtardoallin heaggadieđuid gussiid vuostáiváldinbálvalusa ordnema várás, ráhkkanan dihtii gádjundoibmii ja johtima goziheapmái. Loga riikkabeivviid neahttasiidduin eambbo riikkabeivviid kánsliija galledanbálvalusaid heaggadieđuid gieđahallamis (suomagillii).

Go galledeapmi laktása áššái, mii biddjojuvvo johtui dahje lea jođus, galledeamis dahkkojuvvo merkejupmi min áššehálddašeapmái. Loga eambbo min doaibmaváldái gullevaš áššiid gieđahallamii laktáseaddji heaggadieđuid gieđahallamis.

Riikkabeivviid kánsliija registtardoallin vurke videogova ja uksakámeraid oktavuođas maiddái jiena riikkabeivviid hálddašan giddodagain dahje olbmuin, geat johtet daid lahkosis, suodjalan dihtii riikkabeivviid doaimmaid ja gozihan dihtii lanjaid, suodjalan dihtii gallededdjiid ja sin opmodaga, geat dikšot lanjain áššiideaset. Loga riikkabeivviid neahttasiidduin eambbo heaggadieđuid gieđahallamis kámeragoziheamis.