Tueʹjjed kueʹddelm vuõiggâdvuõttäʹššooumže
Vuäitak tueʹjjeed kueʹddelm vuõiggâdvuõttäʹššooumže hieʹlǩeld Tuõrvvsaakk-kääzzkõõzz lomaakkin. Vaajtõsmäinnsânji vuäitak tååimted kueʹdlmad vuõiggâdvuõttäʹššooumže ouddmiârkkân pååʹšt mieʹldd, neʹttpååʹštin leʹbe viiǥǥeeʹl tõn jiõčč kansliaaʹje.
Tobdstõõđ kueʹddelmvuäppõõzzid ouddâl alttummuž.
Tobdstõõđ še teâttsuõjjvuõʹjjid:
Tueʹjjed kueʹddelm tobddõõđeeʹl
Siâzztõõllâp tueʹjjeed kueʹddelm Tuõrvvsaakk-kääzzkõõzz lomaakkin tobddõõđeeʹl:
Liâđǥlaž kueʹddelm tobddõõđeeʹl
Tueʹjjed kueʹddelm tobddõõđǩâni
Vuäitak tueʹjjeed kueʹddelm hieʹlǩeld Tuõrvvsaakk-kääzzkõõzz lomaakkin še tobddõõđǩâni:
Liâđǥlaž kueʹddelm tobddeeǩani
Hoʹhsse, što jõs tuejjääk kueʹddelm tobddõõđǩâni, jeäʹp vueiʹt tååimted tuʹnne peittast ââʹnnem äʹššǩiiʹrjid neʹttpååʹšt mieʹldd.
Leäk-a päärnaž avi nuõrr?
Päärna da nuõr vueiʹtte tueʹjjeed kueʹddelm Tuõrvvsaakk-kääzzkõõzz päärnaid da nuõrid jurddum lomaakkin:
Jeeʹres maall tueʹjjeed kueʹddelm
Kueʹddelm vuäitt tuejjeed še pdf- ååʹblkallaš kueʹddelmlomaakkin, koon vuäitt tiuddummuš mâŋŋa vuõltteed vuõiggâdvuõttäʹššooumže ǩeʹrjjpååʹšten, neʹttpååʹštin/ tuõrvvsaaǥǥin leʹbe puʹhtted tõn persoonlânji vuõiggâdvuõttäʹššoummu kansliaaʹje. Laadd kueʹddelmlomakk (PDF)
Friijâld tuejjuum kueʹddelm âlgg ââʹnned seʹst uuʹccmõsân seämma tääʹrǩes aaʹššid, kook liâ pdf-ååʹblkallaš kueʹddelmlomaakkâst.
Vuõiggâdvuõttäʹššoummu kanslia õhttvuõđteâđ.
Veerǥlaž vuâsttaväʹlddemkuiʹttjummuš
Jõs priʹnttjak / jiõntak raajjmad liâđǥlaž kueʹddelm tõn vuõlttummuš mâŋŋa, kueʹddelmjiõntõõzzâst lij teâtt tõʹst, kuäʹss tuõrvvsaakk-kääzzkõs lij vuâsttavälddam kueʹdlmad.
Tõt ij leäkku veʹrǧǧneeʹǩǩ veerǥlaž vuâsttaväʹlddemkuiʹttjummuš, pâi riâžldõõǥǥ raajjâm automaattlaž äiʹǧǧååʹrall.
Veerǥlaž vuâsttaväʹlddemkuiʹttjummuš puätt tõn mâŋŋa, ǥu kueʹddelm lij puättam tuõrvvsaakk-kääzzkõõzzâst dååtlas vuõiggâdvuõttäʹššoummu kanslia rekisterâʹsttemkonttra.
Vuâsttaväʹlddemkuiʹttjummuš puätt addrõõzzâst [email protected].