Kuoddâl riehtiäššiulmui

Tun puávtáh kuoddâliđ riehtiäššiulmui älkkeht Turvaviesti-palvâlus luámáttuvváin. Muulsâiävtulávt tun puávtáh toimâttiđ jieijâd kuoddâlem riehtiäššiulmui ovdâmerkkân poostâ peht, šleđgâpostáin tâi pyehtimáin tom persovnlávt kanslian.

Uápásmuu kuoddâlemravvuid ovdil algâttem.

Uápásmuu meid mii tiätusyejivuáválâšvuođáid (suomâkielân):

Kuoddâl tubdâttâtmáin

Mij avžuuttep kuoddâliđ Turvaviesti-palvâlus luámáttuvváin tubdâttâtmáin:

Šleđgâhámásâš kuod­dâ­lem tub­dât­tât­máin

Kuoddâl tubdâttâthánnáá

Tun puávtáh kuoddâliđ Torvoviestâ-palvâlus luámáttuvváin meid tubdâttâthánnáá:

Šleđgâhámásâš kuod­dâ­lem tub­dât­tât­hán­náá

Huámmáš, et jis tun kuoddâlah tubdâttâthánnáá, te mij ep pyevti toimâttiđ tunjin syeligâsâst toollâmnáál äššikiirjijd šleđgâpostáin.

Lah-uv páárnáš tâi nuorâ?

Párnááh já nuorah pyehtih kuoddâliđ Turvaviesti-palvâlus párnáid já nuoráid čuosâttum luámáttuvváin:

Párnái kuod­dâ­lem­luá­mát­tâh

Eres vyevih kuoddâliđ

Kuoddâliđ puáhtá meid pdf-hámásijn kuoddâlemluámáttuvváin, mon puáhtá tevdim maŋa vuolgâttiđ riehtiäššiulmui kirjepostân, šleđgâpostáin/viestáin tâi pyehtiđ tom persovnlávt riehtiäššiulmuu kanslian. Luođii kuoddâlemluámáttuv (PDF)

Rijjâhámásâš kuoddâlem kalga anneeđ sistees ucemustáá siämmáid ovtâskâstiäđuid, moh láá pdf-hámásii kuoddâlemluámáttuvâst.

Riehtiäššiulmuu kanslia ohtâvuotâtiäđuh.

Virgálâš vuástáväldimkuittám

Jis tun printtiih / vuorkkiih jieijâd rähtim šleđgâhámásii kuoddâlem ton vuolgâttem maŋa, te kuoddâlemvuorkkiittâsâst lii tiätu tast, kuás torvoviestâpalvâlus lii vuástáváldám tuu kuoddâlem.

Tot ij lah virgeomâháá virgálâš vuástáväldimkuittám, pic vuáháduv rähtim automatlâš äigistemppâl.

Virgálâš vuástáväldimkuittám puátá tast maŋa, ko kuoddâlem lii puáttám torvoviestâpalvâlusâst loopâ räi riehtiäššiulmuu kanslia kirjimkontturân.

Vuástáväldimkuittám puátá čujottâsâst [email protected].