Teâttsuõjjvueʹǩǩem

Eeʹttiǩ-kååʹdd vuõiggâdvuõttäʹššooumaž vuäpp veʹrǧǧniiʹǩǩi tåimmjummuž lääǥǥlažvuõđ tuʹtǩǩeeʹl kueʹdlmid, tueʹjjeeʹl taʹrǩstummšid ǥu kässjõõđeeʹl pannaaʹššid še jiijjâz alttõõzzâst. Täʹst tuâjast eeʹttiǩ-kååʹdd vuõiggâdvuõttäʹššoummu kansliaaʹje nårrje nuʹt personteâđ ǥu jeeʹresnallšem teâđ.

Tuʹst lij vuõiggâdvuõtt vuäǯǯad tieʹtted, måkam miârktõõzzid da måkam naaʹlin ǩiõttʼtõõllâp personteâđääd.

Ǩiččlõõttâp täin neʹttseeidain käunnʼjeei kovvõõzzin mij teâttsuõjjvuõʹjjin uʹvdded käʹtti kaart personteâđai ǩiõttʼtõõllmõõžžâst tåimmjummšest. Jõs jeäʹp leäkku oʹnnstam täävtõõzzâst, vuäitak eʹtǩǩeed tääʹrǩteei kõõččmõõžžid vuõltteeʹl saaǥǥ vuõiggâdvuõttäʹššoummu kansliaaʹje.

Eeʹttiǩ-kååʹdd vuõiggâdvuõttäʹššoummu kanslia õhttvuõđteâđ

Mõõn diõtt ǩiõttʼtõõllâp personteâđaid

Ǩiõttʼtõõllâp personteâđaid vuõiggâdvuõttäʹššoummu vuâđđlääʹjjest da eeʹttiǩ-kååʹdd vuõiggâdvuõttäʹššoummust uvddum lääʹjjest (197/2002) šiõttuum lääǥǥlažvuõttvuåppâmtuâjai di vuõiggâdvuõttäʹššoummu kanslia vaaldšemaaʹšši håiddmõššân (jeäʹrben äʹššǩeʹrjj- da tuâjjlažkåʹddvaaldšem).

Personteâđai ǩiõttʼtõõllmõʹšše eeʹttiǩ-kååʹdd vuõiggâdvuõttäʹššoummu kansliast suåvldet EU takai teâttsuõjjasetõõzz da tõn tääʹrǩteei da tiuddeei teâttsuõjjlääʹjj (1050/2018) di reäkkõsaaʹšši teâttsuõjjlääʹjj (1054/2018), tâʹl ǥu vuõiggâdvuõttäʹššooumaž âânn vuâđđlääʹjj 110 §:st šiõttuum viârtõsvuõiggâdvuõđâs.

Personteâđai ǩiõttʼtõõllmõš vuâđđââvv väʹlddääʹššest teâttsuõjj-asetõõzz 6 artikla 1 pääiʹǩ c vueʹllpäikka (ǩiõttʼtõõllmõš lij tarbbsaž rekisteeʹr õõʹnni lääʹjjmeâldla õõlǥtõõzz jääʹǩǩtummšen). Teʹlfoonin šõddi äʹššummšest di media neʹttpååʹštjuâkkamliistin ǩiõttʼtõõllâp personteâđaid takai ouddõõzz kuõskki tuâj spraavâm diõtt da eeʹttiǩ-kååʹdd vuõiggâdvuõttäʹššoummu kansliaaʹje kuulli õõlmâs vääʹld âânnmõššân (teâttsuõjj-asetõõzz (EU 2016/679) 6 artikla 1 pääiʹǩ e vuellpäiʹǩǩ).

Jiijjâsnallšem personteâttjooukid kuõskki ǩiõttʼtõõllmõõžž vuõiggâdvuõttvuâđđan lij teâttsuõjjasetõõzz 9 artikla 2 pääiʹǩ g vueʹllpäiʹǩǩ (ǩiõttʼtõõllmõš lij tarbbsaž vääžnai takai ouddõõzz kuõskki määinast) da teâttsuõjjlääʹjj 6 § 1 momeeʹnt 2 päiʹǩǩ. Reäkkõs-suvddsid da rieʹǩǩid õhttneei personteâđai ǩiõttʼtõõllmõõžž vuõiggâdvuõttvuâđđan liâ teâttsuõjj-asetõõzz 10 artikla da teâttsuõjjlääʹjj 7 § 1 momeeʹnt 2 päiʹǩǩ. Vuõiggâdvuõttäʹššoummu ââʹneen viârtõsvuõiggâdvuõđâs perssonteâđai ǩiõttʼtõõllmõš vuâđđââvv reäkkõsaaʹšši teâttsuõjjläkka (1054/2018).

Eeʹttiǩ-kååʹdd vuõiggâdvuõttäʹššoummu kansliast jeät tueʹjjed automaattlaž tuʹmmstõktuõjju vuâđđõõvvi tuʹmmstõõǥǥid. Kanslia ij tueʹjjed profilâsttmõõžž ǩiõttʼtõõllmeez personteâđai vuâđald.

Looǥǥ lââʹzz personteâđai ǩiõttʼtõõllmõõžžâst vuõiggâdvuõttäʹššoummu kanslia tåimmjummšest: