Äʹššummuš pääiʹǩ âʹlnn

Ääʹšš tuʹmmjem vuâlla sättmõš

Neʹttseeidain liâ liâđǥlaž lomaakk, kooi veäkka vuäitt kuõddčed eeʹttiǩ-kååʹdd vuõiggâdvuõttäʹššooumže. Looǥǥ lââʹzz personteâđai ǩiõttʼtõõllmõõžžâst tuejjeen kueʹddelm liâđǥlânji.

Ääʹšš vuäitt kuuitâǥ vuäǯǯad tuʹmmjem vuâlla še puuʹteeʹl äʹššǩiiʹrjid eeʹttiǩ-kååʹdd Uʹccparlameeʹnt väʹldduus sizzpuättmõõžž ooudâst åårrai valvvâmpäikka (F-ovi, Arkadiankatu 3) čiâss 9–16.

Äʹššummuš eeʹttiǩ-kååʹdd vuõiggâdvuõttäʹššoummu kansliast õõlǥat vueiʹnnlõõttmõõžž suåppmõõžžâst ooudbeäʹlnn. Teâđ puõʹtti oummu nõõmâst da organisaatiost, pueʹttem- da vueiʹtlvaž meädda vueʹlǧǧemääiʹjest di vuâsttavaʹlddi õhttvuõttoummu nõõmâst iʹlmmtet eeʹttiǩ-kååʹdd kanslia kueʹss-sizzpuättmõõžž õhttvuõđâst åårrai jååʹttemvuåppâmpäikka. Eeʹttiǩ-kååʹdd kanslia ǩiõttʼtââll rekisterõõʹnnʼjen personteâđaid kuõʹssi vuâsttaväʹlddemkääzzkõõzz jäʹrjstem diõtt, vaʹrrjõõttâm diõtt peälštemtåimmjummša di jååʹttemvuåppmõʹšše. Looǥǥ eeʹttiǩ-kååʹdd nettseeidain lââʹzz eeʹttiǩ-kååʹdd kanslia kuõʹssjemkääzzkõõzzi personteâđai ǩiõttʼtõõllmõõžžâst (lääddas).

Ǥu kuõʹssjummuš õhttan tuʹmmjemvuâlla sättmõõžž leʹbe ǩiõttʼtõõllâmvuâla äšša, tuejjeet kuõʹssjummšest meârkkmõš ääʹššvaldšma. Looǥǥ lââʹzz tåimmväldda kuulli aašši ǩiõttʼtõõllmõʹšše õhttneei personteâđai ǩiõttʼtõõllmõõžžâst.

Eeʹttiǩ-kååʹdd kanslia rekisterõõʹnnʼjen ruâkk videokaart da uhsskamerai õhttvuõđâst še jiõn eeʹttiǩ-kååʹdd vaaldšmin ǩidlmin leʹbe tõi ââlda liikkeei oummuin eeʹttiǩ-kååʹdd tåimmjummuž suõjjeem diõtt da sõõʹji âânnmõõžž valvvâm diõtt, sõõʹjin tuâjast åårrai tuâjjlažkååʹdd da sõõʹjin äʹššeei kuõʹssi di jällmõõžžâs suõjjeem diõtt. Looǥǥ eeʹttiǩ-kååʹdd neʹttseeidain lââʹzz personteâđai ǩiõttʼtõõllmõõžžâst kameravuåppmest.