Teâttsuõjjvuõiggâdvuõđ da vuõiggâdvuõtt-tuõrvv
Vuäitak raukkâd eeʹttiǩ-kååʹdd vuõiggâdvuõttäʹššoummu kanslia teâuddjâʹtted puõʹtti teâttsuõjjvuõiggâdvuõđad.
Vuõiggâdvuõtt vuäǯǯad piâssâmteâđaid
Tuʹst lij vuõiggâdvuõtt vuäǯǯad tieʹtted, ǩiõttʼtõõllâp-a tuu kuõskki personteâđaid. Tuʹst lij haaʹleen vuõiggâdvuõtt vuäǯǯad kopio täin teâđain, jõs jiâ meeʹst leäkku lääʹjjmeâldla vuâđ ǩeâlddõõttâd vuõiggâdvuõđ teâuddjummšest.
Vuõiggâdvuõtt vuõiǥeed teâđaid
Jõs tuu kuõskki personteâđ, koid ǩiõttʼtõõllâp, liâ vââǥǥla leʹbe vääʹn, Vuäitak raukkâd miʹjjid teevvad leʹbe tiuddeed teâđaid.
Jõs vuõiǥeep teâđaid raukkmõõžžad vuâđald, leäʹp õõlǥteei vueiʹtlvažvuõđi mieʹldd iʹlmmted vuõiǥummšest pukid tõid, ǩeäid teâđ liâ ääiʹjab luõvtum.
Vuõiggâdvuõtt rääʹjted teâđai ǩiõttʼtõõllmõõžž
Jõs mij ǩiõttʼtõõllâm tuu kuõskki teâđ liâ tuu miõlâst vââǥǥla, tõid ǩiõttʼtõõlât lääjjvuâstsânji, leša jiõk haaʹled tõid jaukkeem obbnes, leʹbe taarbšak teâđaid, koid jeäʹp teänab kansliast taarbâž alggveärlaž miârktõʹsse (leʹččip jaukkeʹmmen teâđaid), Vuäitak raukkâd miʹjjid rääʹjted teâđai ǩiõttʼtõõllmõõžž.
Nääiʹt vueiʹttep ǩiõttʼtõõllâd teâđaid tåʹlǩ:
- tuu miâsttmõõžžin
- jos taarbšak teâđaid vuõiggâdvuõttõõlǥtõõzz raajjmõõžž, eeʹttǩâʹsttem diõtt leʹbe peälštem diõtt
- õõlmâs ouddõõzz diõtt leʹbe
- koon-ne nuuʹbb oummu vuõiggâdvuõđi suõjjeem diõtt
Jõs rääʹjtep teâđai ǩiõttʼtõõllmõõžž raukkmõõžžad vuâđald, leäʹp õõlǥteei vueiʹtlvažvuõđi mieʹldd iʹlmmted rääʹjtummšest pukid tõid, ǩeäid teâđaid leät ääiʹjab luõvtam.
Vuõiggâdvuõtt vuâsttlâʹstted teâđai ǩiõttʼtõõllmõõžž
Tuʹst lij haaʹleen vuõiggâdvuõtt vuâsttlâʹstted teʹlfoonin äʹššummša da media neʹttpååʹštjueʹǩǩemliistid õhttneei personteâđai ǩiõttʼtõõllmõõžž. Vuäitak tuejjeed tõn kuäss täättas personlaž takai jeeʹrab vuâkka õhttneei vuâđald. Nääiʹt jeäʹp teänab vuäǯǯ ǩiõttʼtõõllâd personteâđaid, teâđast jõs ǩiõttʼtõõllmõʹšše lij åårrmest miârkteei da vuâđđtõllum mäinn, kååʹtt čårstâtt tuu ouddõõzzad, vuõiggâdvuõđad da vääʹldad, leʹbe jõs teâđai ǩiõttʼtõõllmõš lij taarblaž vuõiggâdvuuõttõõlǥtõõzz raajjmõššân, eʹtǩǩeemnalla leʹbe peälštummšen.
Vuõiggâdvuõđi âânnmõš
Vuäitak ehdted teâttsuõjjvuõiggâdvuõđääd kuõskki râukkmõõžž eeʹttiǩ-kååʹdd vuõiggâdvuõttäʹššoummu kansliaaʹje neʹttpååʹšt pääiʹǩ ([email protected]) leʹbe pååʹst mieʹldd (00102 Eduskunta).
Teâttsuõjjvaʹstteei: vaaldšemasessor Astrid Geisor-Goman, teʹlfon 09 4321 (eeʹttiǩ-kååʹdd kuvddlõs), muđoi õhttvuõtt-teâđ liâ seämma ǥu ooudbeäʹlnn
Vuõiggâdvuõtt tuejjeed läittmõš / vuõiggâdvuõtt-tuõrvv
Eeʹttiǩ-kååʹdd vuõiggâdvuõttäʹššoummu tuʹmmstõõǥǥin teâttsuõjjvuõiggâdvuõđin vuäitak läittad tåimmvälddliʹžže vaaldšemvuõiggsa vuõiggâdvuõttäʹššoummu kansliast tuʹmmstõõǥǥ õhttvuõđâst uvddum läittampõʹmmai meâldlânji.