Tiätusyejivuoigâdvuođah já riehtitorvo
Tun puávtáh pivdeđ ovdâskode riehtiäššiulmuu kanslia olášuttiđ tuu čuávuváid tiätusyejivuoigâdvuođâid.
Vuoigâdvuotâ finniđ piäsu tiäđoid
Tust lii vuoigâdvuotâ uážžuđ tiettiđ, et kieđâvuššâp-uv mij tunjin kyeskee persovntiäđuid. Tust lii táátud mield vuoigâdvuotâ finniđ kopio täin tiäđuin, peic jis mist lii laavâmiäldásâš vuáđustâs kiäldádâttâđ vuoigâdvuođâ olášutmist.
Vuoigâdvuotâ vuoigiđ tiäđuid
Jis tunjin kyeskee persovntiäđuh, maid mij kieđâvuššâp, láá puástud tâi vájuvááh, te tun puávtáh táttuđ mii tivvoođ tâi tievâsmittiđ tiäđuid.
Jis mij vuoigip tiäđuid táátud vuáđuld, te mij lep kenigâsah máhđulâšvuođâi mield almottiđ vuoigiimist puohháid toid, kiäid tiäđuh láá ovdeláá luovâttum.
Vuoigâdvuotâ raijiđ tiäđui kieđâvuššâm
Jis mij kieđâvuššâm tunjin kyeskee tiäđuh láá tuu mielâst puástud tâi toh kieđâvuššojeh laavâvuástásávt, mut jieh haalijd, et toh meddâlistojeh ollásávt, tâi tarbâšah tiäđuid, maid mij ep innig kansliast taarbâš algâalgâlii ulme várás (mij liččijm meddâlistmin tiäđuid), te puávtáh táttuđ mii raijiđ jieijâd tiäđui kieđâvuššâm.
Ton tábáhtusâst mij pyehtip kieđâvuššâđ tuu tiäđuid tuše:
- tuu mietâmuššáin
- jis mij tarbâšep tiäđuid riehtivátámuš rähtim, oovdânpyehtim tâi piäluštem tiet
- almolii hiäđu tiet tâi
- mottoom nube ulmuu vuoigâdvuođâi suojâlem várás
Jis mij raijip tiäđui kieđâvuššâm tuu táttum vuáđuld, te mij lep kenigâsah máhđulâšvuođâi mield almottiđ raijiimist puohháid toid, kiäid tiäđuh láá ovdeláá luovâttum.
Vuoigâdvuotâ vuástálistiđ tiäđui kieđâvuššâm
Tust lii táátud mield vuoigâdvuotâ vuástálistiđ puhelimáin ášástâlmân já media šleđgâpostâjuovâččemlistoid lohtâseijee persovntiäđui kieđâvuššâm. Tun puávtáh porgâđ tom kuás peri jieijâd persovnlii eromâštilán lohtâseijee vuáđustâssáin. Talle mij ep innig uážu kieđâvuššâđ tuu persovntiäđuid, peic jis kieđâvušmân lii huámášittee tehálâš já vuáđustâllum suijâ, mii šadda tuu hiäđu, vuoigâdvuođâ já rijjâvuođâ sajan tâi jis tiäđui kieđâvuššâm lii taarbâšlâš riehtivátámuš rähtim, oovdânpyehtim tâi piäluštem várás.
Jieijâd vuoigâdvuođâi kevttim
Tun puávtáh vuolgâttiđ jieijâd tiätusyejivuoigâdvuođáid kyeskee pivduu ovdâskode riehtiäššiulmuu kanslian šleđgâpostáin ([email protected]) tâi poostâ peht (00102 Ovdâskodde).
Tiätusyejivästideijee: haldâttâhasessor Astrid Geisor-Goman, puhelin 09 4321 (ovdâskode puhelinkuávdáš), mudoi ohtâvuotâtiäđuh láá siämmááh ko paijeen
Vuoigâdvuotâ vaidâliđ / Riehtitorvo
Ovdâskode riehtiäššiulmuu miärádâsâin tuu tiätusyejivuoigâdvuođâin tun puávtáh vaidâliđ toimâváldálii haldâttâhriähtán riehtiäššiulmuu kansliast miärádâs ohtâvuođâst adelum vaidâlemčujottem miäldásávt.