Diehtosuodjevuoigatvuođat ja vuoigatvuođadorvu
Sáhtát bivdit riikkabeivviid vuoigatvuođaáššeolbmo kánsliija ollašuhttit čuovvovaš diehtosuodjevuoigatvuođaidat.
Vuoigatvuohta beassat oaidnit iežas dieđuid
Dus lea vuoigatvuohta oažžut diehtit, gieđahallatgo mii dutnje guoski heaggadieđuid. Juos háliidat, dus lea vuoigatvuohta oažžut kopiija dain dieđuin, juos mis ii leat lága mielde ágga biehttalit ollašuhttimis vuoigatvuođa.
Vuoigatvuohta njulget dieđuid
Juos dutnje guoski heaggadieđut, maid mii gieđahallat, leat feaillalaččat dahje váilevaččat, sáhtát bivdit min divvut dahje dievasmahttit dieđuid.
Juos mii njulget dieđuid iežat bivdaga vuođul, mii leat geatnegasat vejolašvuođaid mielde almmuhit njulgemiin buohkaide sidjiide, geaidda dieđut leat árabut addojuvvon.
Vuoigatvuohta ráddjet dieđuid gieđahallama
Juos min gieđahallan dutnje guoski dieđut leat du mielas feaillalaččat, dat gieđahallojuvvojit lága vuostá, muhto it háliit ahte dat sihkkojit ollásit, dahje dárbbašat dieđuid, maid mii eat šat kánsliijas dárbbaš álgoálgosaš ulbmila várás (livččiimet sihkkumin dieđuid), sáhtát bivdit min ráddjet iežat dieđuid gieđahallama.
Dalle sáhttit gieđahallat du dieđuid dušše:
- du miehtama vuođul
- juos mii dárbbašit dieđuid vuoigatvuođa gáibádusa ráhkadeami, ovdanbuktima dahje bealušteami dihtii
- almmolaš ovddu dihtii dahje
- muhtin eará olbmo vuoigatvuođaid suodjaleami várás
Juos mii ráddjet dieđuid gieđahallama du bivdaga vuođul, mii leat geatnegasat vejolašvuođaid mielde almmuhit ráddjehusas buohkaide sidjiide, geaidda dieđut leat árabut addojuvvon.
Vuoigatvuohta vuostálastá dieđuid gieđahallama
Juos háliidat, dus lea vuoigatvuohta vuostálastit telefovnnain áššiiddikšumii ja media e-boastajuohkinlisttuide laktáseaddji heaggadieđuid gieđahallama. Sáhtát dahkat dan goas beare persovnnalaš erenomáš dillásat laktáseaddji ákka vuođul. Dalle mii eat oaččo šat gieđahallat heaggadieđuidat, earret juos gieđahallamii lea leahkimin mearkkašahtti dehálaš ja ákkastallojuvvon sivva, mii hilgu du ovddu, vuoigatvuođa ja friijavuođa, dahje juos dieđuid gieđahallan lea dárbbašlaš vuoigatvuođa gáibádusa ráhkadeami, ovdanbuktima dahje bealušteami várás.
Du vuoigatvuođaid geavaheapmi
Sáhtát ovdanbuktit iežat diehtosuodjevuoigatvuođaide guoski bivdaga riikkabeivviid vuoigatvuođaáššeolbmo kánsliijai šleađgapoasttain ([email protected]) dahje poasttain (00102 Eduskunta).
Diehtosuodjevástideaddji: hálddahusassessora Astrid Geisor-Goman, telefovdna 09 4321 (riikkabeivviid telefonguovddáš), muđui oktavuođadieđut leat seammá go bajábealde
Vuoigatvuohta váidit / Vuoigatvuođadorvu
Riikkabeivviid vuoigatvuođaáššeolbmo mearrádusain du diehtosuodjevuoigatvuođain sáhtát váidit doaibmaválddálaš hálddahusriektái vuoigatvuođaáššeolbmo kánsliijas mearrádusa oktavuođas addojuvvon váidinčujuhusa mielde.