Mii tiätusyejivuáválâšvuođah

Ovdâskode riehtiäššiolmooš kocá virgeomâhái tooimâ lavâlâšvuođâ tutkâmáin kuoddâlmijd, olášutmáin täärhistmijd sehe čovdâlmáin tuhhitmettumis tiilijd meid jieijâs alguin. Taan pargoost ovdâskode riehtiäššiulmuu kanslian čoggâšuveh sehe persovntiäđuh já eres tiäđuh.

Tust lii vuoigâdvuotâ uážžuđ tiettiđ, mon ulme várás já moi vuovijguin mij kieđâvuššâp tuu persovntiäđuid.

Mij viggâp täin viermisiijđoin kávnojeijee kuvviimijguin mii tiätusyejivuáválâšvuođâin adeliđ luávdee kove persovntiäđui kieđâvušmist mii tooimâst. Jis ep lah luhostum mii ulmeest, te tun puávtáh koijâdiđ tärkkilubbooht vuolgâtmáin viestâ riehtiäššiulmuu kanslian.

Ovdâskode riehtiäššiulmuu kanslia ohtâvuotâtiäđuh

Mondiet mij kieđâvuššâp persovntiäđuid

Mij kieđâvuššâp persovntiäđuid riehtiäššiulmuu vuáđulaavâst já ovdâskode riehtiäššiulmust adelum laavâst (197/2002) asâttum lavâlâšvuotâkocceempargoi sehe riehtiäššiulmuu kanslia haldâttâhaašij tipšom várás (eromâšávt äššikirje- já pargoviehâhaldâttâh).

Persovntiäđui kieđâvušmân ovdâskode riehtiäššiulmuu kansliast heiviittuvvoo EU almolâš tiätusyejiasâttâs já tom tärkkilistee já tievâsmittee tiätusyejilaahâ (1050/2018) sehe rikosaašij tiätusyejilaahâ (1054/2018), talle ko riehtiäššiolmooš kiävttá vuáđulaavâ 110 §:st asâttum ášáskuttemvuoigâdvuođâs.

Persovntiäđui kieđâvuššâm vuáđuduvá iänáážin tiätusyejiasâttâs 6 artikla 1 saje c vyelisajan (kieđâvuššâm lii taarbâšlâš registertuállee lahâaasâtlii kenigâsvuođâ nuávdittem várás). Puhelimáin tábáhtuvvee ášástâlmist sehe media šleđgâpostâjuovâččemlistoin mij kieđâvuššâp persovntiäđuid almolii hiätun kyeskee pargo olášuttem várás já ovdâskode riehtiäššiulmuu kanslian kullee almos vääldi kevttim várás (tiätusyejiasâttâs (EU 2016/679) 6 artikla 1 saje e vyelisaje).

Eromâš persovntiätujuávhoid kyeskee kieđâvuššâm riehtivuáđustâssân lii tiätusyejiasâttâs 9 artikla 2 saje g vyelisaje (kieđâvuššâm lii taarbâšlâš tehálii almolii hiätun kyeskee suujâ keežild) já tiätusyejilaavâ 6 § 1 moomeent 2 saje. Rikostuámoid já rikkomáid lohtâseijee persovntiäđui kieđâvuššâm riehtivuáđustâssân lii tiätusyejiasâttâs 10 artikla já tiätusyejilaavâ 7 § 1 moomeent 2 saje. Ko riehtiäššiolmooš kiävttá ášáskuttemvuoigâdvuođâs, te persovntiäđui kieđâvuššâm vuáđuduvá rikosaašij tiätusyejilaahân (1054/2018).

Ovdâskode riehtiäššiulmuu kanslia ij toovâ automatlii miärádâstohâmân vuáđuduvvee miärádâsâid. Kanslia ij olášut profilistem kieđâvuššum persovntiäđui vuáđuld.

Luuvâ lase persovntiäđui kieđâvušmist riehtiäššiulmuu kanslia toimâmist: