Pargouuccâm
Pargouuccâmprosesân lohtâseijee persovntiäđui kieđâvuššâm
Mij almostittep tiäđuid ávus viirgijn Valtiolle.fi-palvâlusâst, mii lii váldu-uáli pargouuccâm kyeđđim várás. Valtiolle.fi-palvâlusâst mij nuurrâp valjimproosees tááhust kuávdáid tiäđuid, maid occee jieš addel ucâmuš kyeđđim ohtâvuođâst.
Ovdâskode riehtiäššiulmuu kanslia tuáimá Staatâ ruttâtuálu- já pargoviehâhaldâttuv palvâlemkuávdáin (Palkeet) ohtsâšregistertuállen Valtiolle.fi -palvâlusâst leijee persovntiäđui peeleest. Luuvâ lase Palkeet olášuttem persovntiäđui kieđâvušmist Valtiolle.fi -palvâlusâst (suomâkielân).
Ucâmuš puáhtá meid vuolgâttiđ šleđgâpostáin tâi kyeđđiđ pááppárhäämist mii kirjimkontturân uuccâmalmottâsâst mainâšum vuovvijn.
Ucâmušah tuálvojeh ovdâskode riehtiäššiulmuu kanslia ääšihaaldâšmân. Mij toohâp uuccâmproosees nuvâdijn nomâttemmiärádâs, mii viärdádâl occei áánsuid. Ton lasseen mij rähtip occeeluvâttâllâm já ánsučuákánkiäsu occein. Viirgán tâi paargon nomâttum ulmuu ucâmušäššikirjeh siäiluduvvojeh pisovávt já eres occei ucâmušäššikirjeh siäiluduvvojeh kyehti ive. Siäiludemääigih miärášuveh riehtiäššiulmuu kanslia tiäđustivrimvuávám já arkkâdâhlaavâ miäldásávt. Luuvâ lase Mii toimâvááldán kullee aašij kieđâvušmân lohtâseijee persovntiäđui kieđâvušmist.
Nomâttemnáál iävtuttum ulmust puáhtá olášuttiđ occee mietâmuššáin ovdil nomâttem vuáđuhámásii pargoviehâtorvolâšvuotâčielgiittâs (torvolâšvuotâčielgiittâslaahâ 726/2014). Torvolâšvuotâčielgiittâs siskeeld meid olgoeennâmčonâsuumij čielgim. Lasetiäđuh torvolâšvuotâčielgiittâsmonâttâlmân lohtâseijee persovntiäđui kieđâvušmist čujottâsâst supo.fi/turvallisuusselvitysrekisteri.
Valtiolle.fi-palvâlus peht nurrum tiäđuh
Occee spesifistemtiäđuh: nommâ, čujottâs, puhelin, suhâpeeli, eres máhđulâš ohtâvuotâtiätu sehe lope šleđgâhámásii tiättunaddelmân.
Occee oovdânpyehtim tiäđuh alnestis ucâmušâst, ovdâmerkkân škovlim- já pargohárjánemtiäđuh, ucâmuš toorjân eres toimâttum tiäđuh, tego nommâkirje/ánsuluvâttâllâm, škovlâ- já uápputuođâštusah, pargotuođâštusah, occee almottem avžuutteijeeh, pargoucâmân já virgetevdim iävttoid lohtâseijee eres taarbâšliih tiäđuh.
Ávus virgijd čuosâttum ucâmušah siäiluh Valtiolle.fi -palvâlusâst kyehti ive rekrytistemproosees joskâm maŋa já tast maŋa ucâmušah anonymisistojeh já toi tiäđuh láá kevttimnáál tuše lohhoon raportistemdatast. Ávus ucâmuš tááhust occee puáhtá jieš miäruštâllâđ ucâmuš siäilum vyeimistorroomääigi, mii lii enâmustáá kyehti ive. Occee kevtteetubdâldâh já toos vyerkkejum tiäđuh sehe ávus ucâmušah meddâlistojeh automatlávt talle, ko kevtteetubdâldâh lii lamaš oovtâ ive kevtihánnáá. Ovdil kevtteetili meddâlistem tast almottuvvoo occei. Occee puáhtá meid kuás peri jieš meddâlistiđ kevtteetilis kevtteeprofilistis. Kevtteeproofil meddâlistem ooleest meid ávus ucâmušah meddâlistojeh. Rekrytistmáid vuolgâttum ucâmušah já toi tiäđuh pääcih vuáhádâhân rekrytistmáid uáinusân, tassaaš ko toh anonymisistojeh ovdeláá muštâlum miäldásávt.
Moos mii kieđâvuššâm vuáđuduvá
Mij kieđâvuššâp persovntiäđuid ovdâskode riehtiäššiulmuu kanslian kyeskee lahâaasâtlii kenigâsvuođâ nuávdittem várás:
- Tiätusyejiasâttâs (EU 2016/679) 6 artikla 1 saje c vyelisaje
- Laahâ ovdâskode virgeulmuin (1197/2003), pargosopâmušlaahâ (55/2001)
- Nommâkirjelaahâ (1010/1989) já -asâttâs (1322/1989)
- Laahâ priivaatvuođâ syejeest pargoelimist (759/2004)
- Torvolâšvuotâčielgiittâslaahâ (726/2014)
Tiäđui luovâttem
Tiäđuh iä luovâttuu njuolgâduslávt.
Tiäđuh luovâttuvvojeh taid pivdee ulmui virgeomâhái tooimâ almosvuođâst adelum laavâ miäldásávt. Tiäđuh já äššikirjeh láá almoliih, peic jis toh láá lavváin sierâ asâttum syeligâsâst toollâmnáál.
Ovdâskode riehtiäššiulmuu kanslia kevttim tiätuvuáháduvâi palvâluspyevtitteijeeh peesih tiäđoid paijeentoollâm- já ovdedempargoi várás. Toh kieđâvušeh persovntiäđuid ovdâskode riehtiäššiulmuu kanslia toimânadelem vuáđuld, iäge toh uážu kieđâvuššâđ tiäđuid eres áášán ko soppum palvâlus pyevtittem várás.
Tiäđuh iä luovâttuu njuálgumarkkânistem já uáivil- tâi markkântutkâmuš várás.
Tiäđuh iä sirduu Euroop union (EU) tâi Euroop ruttâtuálukuávlu (ETA) ulguubel.