Ášástâllâm kansliast

Ääši joton pieijâm

Mii viermisiijđoin láá šleđgâhámásiih luámáttuvah, moiguin puáhtá kuoddâliđ ovdâskode riehtiäššiulmui. Luuvâ lase persovntiäđui kieđâvušmist ko kuoddâlah šleđgâhámásávt. 

Ääši puáhtá kuittâg pieijâđ joton meid pyehtimáin äššikiirjijd ovdâskode Pikkuparlament váldu-uuvsâ siisâmoonnâmsaje kulen orroo kocceemviistán (F-uksâ, Arkadiankatu 3) tme 9–16.

Ášástâllâm ovdâskode riehtiäššiulmuu kansliast váátá teivâm sooppâm muuneeld. Tiäđuh puáttee ulmuu noomâst já organisaatiost, puáttim- já máhđulii vyelgimääigist sehe vuástáväldee ohtâvuotâulmuu noomâst jođettuvvojeh ovdâskode kanslia kollim várás uáivildum siisâmoonnâmsaje ohtâvuođâst orroo jotteemkocceemčuággás. Ovdâskode kanslia kieđâvuš registertuállen persovntiäđuid kuállejeijei vuástáväldimpalvâlus ornim várás, vâi rahttâđâččij piäluštemtooimân sehe jotteemkocemân. Luuvâ ovdâskode viermisiijđoin lase ovdâskode kanslia kollimpalvâlusâi persovntiäđui kieđâvušmist (suomâkielân).

Ko kollim lohtâs joton pieijâmnáál tâi joođoost leijee áášán, te kollim merkkejuvvoo mii ääšihaaldâšmân. Luuvâ lase mii toimâvááldán kullee aašij kieđâvušmân lohtâseijee persovntiäđui kieđâvušmist.

Ovdâskode kanslia registertuállen vyerkkee videokove já uksâkamerai ohtâvuođâst meid jienâ ovdâskode haldâšem kiddoduvâin tâi toi aldasijn jottee ulmuin ovdâskode tooimâ suoijim já viistij kevttim kocceem tiet sehe viistijn pargee pargovievâ, viistijn ášástellee kuállejeijei já jieijâs omâduv suoijim tiet. Luuvâ ovdâskode viermisiijđoin lase persovntiäđui kieđâvušmist kamerakocemist (suomâkielân).