Liâđǥlaž äʹššummuš

Kueʹddelm tuejjummuš liâđǥlânji

Vuõiggâdvuõttäʹššooumže vuäitt tuejjeed kueʹddelm liâđǥlaž lomaakkin, kook tåimma Riikk teâtt- da saakkeemteknikk-kõõskõs Valtori Tuõrvvsaakk-kääzzkõõzzâst. Lomaakk tiiudât da vuõltteet suõjjuumnalla vuõiggâdvuõttäʹššoummu kansliaaʹje.

Lomaakkin kueʹddelm lij vueiʹtlvaž tuejjeed tobddeeʹl leʹbe tobddeeǩânai. Tobddummšest ââʹnet Digi- ja meerteâttkonttâr taʹrjjeem suomi.fi-tobddummuž. Lââʹssteâđaid personteâđai ǩiõttʼtõõllmõõžžâst tobddummuž õhttvuõđâst lij vuäǯǯamnalla suomi.fi-tobddummuž teâttsuõjjčiõlǥtõõzzâst (lääddas).

Lomaakkin noorrâmvuâla teâđ ohjjâʹvve vuõiggâdvuõttäʹššoummu kanslia rekisterâʹsttemkonttâr neʹttpååšta. Toʹben äʹšš ǩeeʹrjeet ääʹššvaaldšemriâžldõʹǩǩe. Looǥǥ lââʹzz tåimmväldda kuulli aaʹšši ǩiõttʼtõõllmõʹšše õhttneei personteâđai ǩiõttʼtõõllmõõžžâst. Teâđ ruâkkjâʹvve še Valtori Tuõrvvsaakk-kääzzkõʹsse 90 peeivas teâđseerd luõttjemvuõđ da teâđai vuäǯǯamvuõđ pueʹrummšen.

Kueʹddelm raajjmõš lij vueiʹtlvaž še vuõltteeʹl kueʹddelm eeʹttiǩ-kååʹdd vuõiggâdvuõttäʹššoummu kansliaaʹje registõõllâmkonttâr peeitast ââʹnnemnalla saakkân eeʹttiǩ-kååʹdd kanslia tuõrvvsaaǥǥ pääiʹǩ. Valtori di Tuõrvvsaakk-kääzzkõõzz puuʹttummša vuässõõʹtti Erillisverkot Oy ǩiõttʼtâʹlle personteâđaid (neʹttpååʹštaddrõs, IP-addrõs da mäʹtǩǩteʹlfon-nââmar, jõs saaǥǥ vuõlttõõzzâst ââʹnet mäʹtǩǩteʹlfonraʹvvjõõzz) tåʹlǩ kääzzkõõzz tååimtummuž vääras, õõʹnnʼji tobddeem diõtt di ââʹnnemvuõiggâdvuõđi da teâttstaanlažvuõđ vaaldšmem diõtt. Äävuum saaǥǥ seilla Tuõrvvsaakk-kääzzkõõzzâst 30 peeiʹv da ääveeǩânai 60 peeiʹv.

Vuõiggâdvuõttäʹššooumže vuäitt kuõddčed še ǩiiʹrjin, neʹttpååʹštin leʹbe tååimteeʹl kueʹddelm jiõčč viiǥǥeeʹl vuõiggâdvuõttäʹššoummu kansliaaʹje.

Jeeʹres kanaali pääiʹǩ puättam kueʹddelm da jeeʹres ääʹšš ǩeeʹrjeet ääʹššvaaldšemriâžlgõʹǩǩe (tåimmväldda kuulli aaʹšši ǩiõttʼtõõllmõš).

Kuõʹssjummuš neʹttseeidain

Seiddõs lij pukid äävas, ij-ǥa tuʹst taarbâž uʹvdded personteâđaid muđoi ǥu tuejjeen kueʹddelm ooudbeäʹlnn peäggtum lomaakki veäkka.

Neʹttseiddam õõʹnnʼji seiddlaaddmin seill teâtt kääzzkõõzz tåimmjummuž kuõskki õʹhtteǩeässmõõžži raajjmõššân da vââʹǩǩvuõʹjji seʹlvvtummšen. Ââʹnnep nettseeidain Matomo-analytikktuâjjneävv, koin noorât anonyym data seeidain jooʹttjin. Matomo ij šiõttâd jeäʹvstõõzzid ij-ǥa norrum data (mâta anonymisõsttum IP-addrõs da tõn vuâđald ärvvtõllum jânnam/gåårad, ǩiõččum seeid da kuõʹssjem ääiʹjpodd di teâtt neʹttplaanđjest, aparaatt maallâst da âânnemriâžldõõǥǥâst) vueiʹt õhtteed ooumže.

Media neʹttpååʹštjueʹǩǩemliist

Vuõiggâdvuõtt-tååimteeʹji neʹttpååʹštjueʹǩǩemliist veäkka vuõiggâdvuõttäʹššoummu kanslia saakkummuš vääʹltat teâđtõõzzid da jeeʹres media tåimmjummša õhttneei teâđaid. Jueʹǩǩemliist veäkka eeʹttiǩ-kååʹdd vuõiggâdvuõttäʹššoummu aaʹššin älšsmam media eeʹttǩeeʹj vueiʹtet täävted tillʼlõõvvâmnalla da jåʹttlânji da nääiʹt tueʹrjjeed media tuâj.

Jueʹǩǩemliʹstte ruõkkât oummu neʹttpååʹštaddrõs, nõmm da tuâjjuʹvddi. Neʹttpååštaddrõs vuäǯǯat rekisterõsttum oummust jijstes leʹbe suu iʹlmmtam oummust. Saakkummuš vuäitt še lââʹzzted jueʹǩǩemliistid addrõõzzid ainsmâttmõššân teâđvääʹltem juätkkjummuž ouddmiârkkân tååimtõõzzi personvaajtõõzzi õhttvuõđâst.

Eeʹttiǩ-kååʹdd vuõiggâdvuõttäʹššoummu kanslia âânn še eeʹttiǩ-kååʹdd kanslia jueʹǩǩemliistid. Looǥǥ eeʹttiǩ-kååʹdd neʹttseeidain lââʹzz personteâđai ǩiõttʼtõõllmõõžžâst media neʹttpååʹštliistin (lääddas).

Koozz ǩiõttʼtõõllmõš vuâđđââvv

Ǩiõttʼtõõllâp personteâđaid jääʹǩǩtummšen digikääzzkõslääʹjj (306/2019) 5 § meâldlaž õõlǥtõõzz taʹrjjeed juâkkseʹžže vueiʹtlvažvuõtt tååimted äʹššeemtaʹrbbe õhttneei liâđǥlaž saaǥǥid da äʹššǩiiʹrjid ââʹneeʹl digitaalʼlaž kääzzkõõzzid leʹbe jeeʹres liâđǥlaž teâđseʹrddem-mõõntõõllmõõžžid. Personteâđai ǩiõttʼtõõllmõš vuâđđââvv teâttsuõjj-asetõõzz 6 artikla 1 pääiʹǩ c vueʹllpäikka.

Ǩiõttʼtõõllâp jeäʹrab personteâttjooukid takai ouddõõzz vuâđald (teâttsuõjj-asetõõzz (EU 2016/679) 9 artikla 2 pääiʹǩ g vueʹllpäiʹǩǩ da teâttsuõjjlääʹjj (1050/2018) 6 § 1 mom. 2 päiʹǩǩ.

Ǩiõttʼtõõllâp media neʹttpååʹštjuâkkamliist personteâđaid takai ouddõõzz kuõskki tuâj spraavâm diõtt da eeʹttiǩ-kååʹdd vuõiggâdvuõttäʹššoummu kansliaaʹje kuulli õõlmâs vääʹld âânnmõššân (teâttsuõjj-asetõõzz (EU 2016/679) 6 artikla 1 pääiʹǩ e vueʹllpäiʹǩǩ).

Teâđai luõvtummuš

Teâđaid jeät luõvât vuâkkõõzz meâldlânji.

Eeʹttiǩ-kååʹdd vuõiggâdvuõttäʹššoummu kanslia ââʹnnem teâttriâžldõõǥǥi kääzzkõspuuʹtʼteei peäʹsse teâđaid âʹlnnõõʹnni- da ooudâsviikkâmtuâjai vääras. Tõk ǩiõttʼtâʹlle personteâđaid eeʹttiǩ-kååʹdd vuõiggâdvuõttäʹššoummu kanslia teâttanouddmõõžžâst, jiâ-ǥa tõk vuäǯǯ ǩiõttʼtõõllâd teâđaid jeeʹres ǥu suåppum kääzzkõõzz puuʹttummša.

Teâđaid luõvtet tõid raukki veʹrǧǧniiʹǩǩi tåimmjummuš õõlmâsvuõđâst uvddum lääʹjj meâldlânji. Teâđ da äʹššǩeeʹrj liâ õlmmâz, ǥõõi jeät tõid leäkku aainâs laaʹjjin šiõttuum peeitast ââʹnnemnalla.

Teâđaid jeät luõvât vuõiggmarkknâʹsttem da juurd- leʹbe markknâʹsttemtuʹtǩǩummuž diõtt.

Teâđaid jeät seeʹrd Euroopp unioon (EU) leʹbe Euroopp tällõsvuuʹd (ETA) ååuǥbeälla.

Teâttsuõjjvuõiggâdvuõttad

Looǥǥ lââʹzz teâttsuõjjvuõiggâdvuõđinad