Áššiiddikšun telefovnnain
Gieđahallanvuloš dieđut, go dikšu áššiid telefovnnain
Telefonguovddáš
Riikkabeivviid kánsliija telefonguovddáš dikšu maid riikkabeivviid vuoigatvuođaáššeolbmo kánsliija telefonguovddáža bargguid. Telefonguovddáš ovttastahttá telefonguovddáža (oktavuođadieđut) riŋgemiid sidjiide, geat leat bálvalusgaskavuođas riikkabeivviid vuoigatvuođaáššeolbmo kánsliijas.
Riikkabeivviid kánsliija registtardoallin vurke telefonguovddážii riŋgema riŋgenáiggi, riŋgejeaddji nummira (juos riŋgejeaddji addán lobi ja telefonoperáhtor dan gaskkusta), nummira, masa riŋgenoktavuohta ovttastahttojuvvo, ja telefonságastallama bistináiggi. Loga riikkabeivviid neahttasiidduin eambbo heaggadieđuid gieđahallamis riikkabeivviid telefonguovddážis (suomagillii)
Riikkabeivviid vuoigatvuođaáššeolbmo kánsliija ii gieđahala telefonguovddážii boahtti riŋgemiid dieđuid, juos riikkabeivviid telefonguovddáš ii muital riŋgejeaddji bivdaga vuođul riŋgenbivdaga. Dáin dáhpáhusain vuoigatvuođaáššeolbmo kánsliija gieđahallá dieđuid dušše dan botta, go riŋgenbivdagii guoski ášši čielggadeapmi gáibida. Dán maŋŋá dieđut sihkkojuvvojit.
Telefonguovddáža telefonságastallamat eai báddejuvvo.
Guoddalusa dahkamii laktáseaddji rávven, gulaskuddamat ja riŋgen vuoigatvuođaáššeolbmuide
Riikkabeivviid vuoigatvuođaáššeolbmo kánsliija rávve hálddahuslága 8 § mielde guoddalanášši dikšumii laktáseaddji áššiin ja vástida áššiiddikšumii guoski gažaldagaide ja gulaskuddamiidda.
Riŋgemat gaskkustuvvojit riikkabeivviid telefonguovddážis eanaš riŋgenráidduide, main addet guoddalusa dahkamii laktáseaddji rávvema, vástidit gulaskuddamiidda mat laktásit ášši jođus leahkimii ja gieđahallanmuttuide, áššegirje- ja diehtobivdagiidda laktáseaddji gulaskuddamiidda ja riŋgemiidda, mat bohtet vuoigatvuođaáššeolbmui. Riŋgemiidda vástidit vuoigatvuođaáššeolbmo kánsliija virgeolbmot.
Riŋgenráidduide riŋgejuvvon ja ovttastahtton telefovnnat báddejuvvojit áššehasbálvalusa áššáigullevašvuođa sihkkarastima várás. Báddemat seailluhuvvojit álgovurrosaččat 30 jándora, man maŋŋá dat sihkkojuvvojit bálvalusaid buvttadeaddji Elisa Oyj serveris. Ovttaskas báddemat seailluhuvvojit dárbbu mielde guhkibui, juos áššehasbálvalusdili áššáigullevaš čielggadeapmi dan eaktuda.
Vuoigatvuođaáššeolbmo kánsliija ii čohkke boahtán riŋgemiin heaggadieđuid, juos telefonságastallama áigge ii sohppojuvvo, ahte ášši čielggaduvvo dahje spiehkkaseaddji láhkai váldojuvvo vuostá riŋgenbivdda ovttaskas virgeolbmui. Dalle čoagginvuloš heaggadieđut leat riŋgejeaddji namma ja telefonnummir ja dárbbu mielde ášši individualiserema várás dárbbašlaš dieđut.
Áššiiddikšun ovttaskas virgeolbmuin
Riikkabeivviid telefonguovddáš ovttastahttá vuoigatvuođaáššeolbmo kánsliijai boahtti áššehasriŋgemiid ášši kvalitehta mielde dárbbu mielde maiddái njuolga ovdanbuktái, guhte dikšu ášši. Vuoigatvuođaáššeolbmo kánsliija virgeolbmot sáhttet maid riŋget guoddaleaddjái dahje guoddalusa čuozáhahkii ášši gieđahallama birra, juos dat gávnnahuvvo vuogálažžan. Loga eambbo riikkabeivviid neahttasiidduin bargoveaga bargotelefovnnaide laktáseaddji heaggadieđuid gieđahallamis (suomagillii)
Riŋgenbivdagat eai váldoáššis váldojuvvo vuostá. Juos áššehas lea geahččalan fáhtet dávjá kánsliija muhtin virgeolbmo dakkár ášši olis, man son ovdanbuktá dahje lea sus jođus, iige leat ožžon vástádusa, riikkabeivviid telefonguovddáš dahje telefonráiddus vástidan sáhttá váldit dárbbu mielde riŋgenbivdaga vuostá ja gaskkusta dan áššáigullevaš virgeolbmui.
Juos divššut telefovnnain ášši, mii laktása áššái, mii lea jođus vuoigatvuođaáššeolbmo kánsliijas, riŋgemis girjejuvvo dárbbu mielde merkejupmi vuoigatvuođaáššeolbmo kánsliija áššehálddašeapmái. Loga eambbo min doaibmaváldái gullevaš áššiid gieđahallamii laktáseaddji heaggadieđuid gieđahallamis.
Ovttaskas virgeolbmui riŋgejuvvon ja su riŋgen telefonságastallamat eai báddejuvvo.
Masa min gieđahallan vuođđuduvvá
Mii gieđahallat heaggadieđuid almmolaš ovdui guoski barggu čađaheami várás ja riikkabeivviid vuoigatvuođaáššeolbmo kánsliijai gullevaš almmolaš válddi geavaheami várás (diehtosuodjeásahusa (EU 2016/679) 6 artihkkala 1 čuoggá e vuollečuokkis).
Dieđuid addin
Dieđut eai addojuvvo njuolgguslaččat. Dieđut addojuvvojit sidjiide, geat daid bivdet, virgeoapmahaččaid doaimma almmolašvuođas addojuvvon lága mielde. Dieđut ja áššegirjjit leat almmolaččat, juos dat eai namalassii leat lágain ásahuvvon dollojuvvot čiegusin.
Riikkabeivviid vuoigatvuođaáššeolbmo kánsliija geavahan diehtovuogádagaid bálvalusbuvttadeaddjit besset dieđuide bajásdoallan- ja ovddidanbargguid várás. Dat gieđahallet heaggadieđuid riikkabeivviid vuoigatvuođaáššeolbmo kánsliija bargogohččosa vuođul, eaige dat oaččo gieđahallat dieđuid eambbo go sohppojuvvon bálvalusaid buvttadeapmái.
Dieđut eai addojuvvo njuolggomárkanfievrrideami ja oaivil- dahje márkandutkamuša várás.
Dieđut eai addojuvvo njuolggomárkanfievrrideami ja oaivil- dahje márkandutkamuša várás.