Šleđgâhámásâš ášástâllâm

Kuoddâlem šleđgâhámásávt

Riehtiäššiulmui puáhtá kuoddâliđ šleđgâhámásijn luámáttuvâiguin, moh tuáimih Staatâ tiätu- já viestâdemteknikkuávdáá Valtori Torvoviestâ-palvâlusâst (Turvaviesti-palvelu). Luámáttuvah tiävdojeh já vuolgâttuvvojeh syeijejum häämist riehtiäššiulmuu kanslian.

Luámáttuvváin lii máhđulâš kuoddâliđ tubdâttâtmáin tâi tubdâttâthánnáá. Tubdâttâtmist kiävttoo Digi- já aalmugtiätuvirgáduv faallâm suomi.fi-tubdâttâttâm. Lasetiäđuh persovntiäđui kieđâvušmist tubdâttâttâm ohtâvuođâst láá finnimnáál suomi.fi-tubdâttâttâm tiätusyejičielgiittâsâst (suomâkielân).

Luámáttuvváin nurrum tiäđuh stivrejuvvojeh riehtiäššiulmuu kanslia kirjimkontturân šleđgâpoostân. Tobbeen äšši kirjejuvvoo mii ääšihaldâšemvuáhádâhân. Luuvâ lase Mii toimâvááldán kullee aašij kieđâvušmân lohtâseijee persovntiäđui kieđâvušmist. Tiäđuh vyerkkejuvvojeh meid Valtori Torvoviestâpalvâlusân 90 peeivi ááigán tiäđusirdem lyetittetteevuođâ já tiäđui juvsâttetteevuođâ pyeredem tiet.

Kuoddâliđ puáhtá meid vuolgâtmáin kuoddâlem ovdâskode riehtiäššiulmuu kanslian kirjimkonttur syeligâsâst toollâmnáál viestân ovdâskode kanslia torvoviestâ peht. Valtori já Torvoviestâ-palvâlus pyevtitmân uásálistee Erillisverkot Oy kieđâvušeh persovntiäđuid (šleđgâpostâčujottâs, IP-čujottâs já mätkipuhelinnummeer, jis viestâ vuolgâtmist kiävttoo mätkipuhelinnanodâs) tuše palvâlus toimâttem várás, kevttei tubdâm várás sehe kevttimvuoigâdvuođâi já tiätutorvolâšvuođâ haldâšem várás. Lekkum viestah siäiluh Torvoviestâ-palvâlusâst 30 peivid já lehâhánnáá viestah 60 peivid.

Riehtiäššiulmui puáhtá kuoddâliđ meid reiváin, šleđgâpostáin tâi tooimâtmáin kuoddâlem persovnlávt riehtiäššiulmuu kanslian.

Jieškote-uv oolij mield puáttám kuoddâlmeh já eres ääših kirjejuvvojeh mii ääšihaldâšemvuáhádâhân (Mii toimâvááldán kullee aašij kieđâvuššâm).

Kollim viermisiijđoin

Mii siijđoh láá puohháid áávus, já tun jieh taarbâš adeliđ persovntiäđuidâd mudoi ko jis kuoddâlah ovdeláá mainâšum luámáttuvâiguin.

Mii viermisiijđoi kevttei sijđoluođiimijn vyerkkejuvvoo tiätu palvâlus tooimân kyeskee čuákánkiäsui rähtim várás sehe feilâtiilij čielgim várás. Mij kevttip viermisiijđoin Matomo-analytiktyejipiergâs, mii norá anonym data kuállejeijein. Matomo ij aasât niästádâsâid, ige nurrum data (tego anonymisistum IP-čujottâs já ton vuáđuld árvuštâllum eennâm/kaavpug, árvuštâllum siijđoh já kollim äigimuddo sehe tiätu viermilađânist, piergâs maalist já kevttimvuáháduvâst) pyevti ovtâstittiđ ovtâskâs ulmui.

Media šleđgâpostâjuovâččemlistoh

Riehtitoimâtteijei šleđgâpostâjuovâččemlisto vievâst riehtiäššiulmuu kanslia viestâdem joođeet tiäđáttâsâid já eres media tooimân lohtâseijee tiäđuid. Juovâččemlisto vievâst ovdâskode riehtiäššiulmuu aašijn movtijdum media ovdâsteijeid puáhtá juksâđ čuosâttum vuovvijn já jotelávt já toin naalijn tuárjuđ media pargoid.

Juovâččemliiston vyerkkejuvvoo ulmuu šleđgâpostâčujottâs, nommâ já pargoadeleijee. Mij finnip šleđgâpostâčujottâs registeristum ulmust alnestis tâi suu almottâm ulmust. Viestâdem puáhtá meid lasettiđ juovâččemlistoid čujottâsâid vâi visásmitáččij tiäđujođettem jotkum ovdâmerkkân toimâttâsâi pargoviehânubástusâi ohtâvuođâst.

Ovdâskode riehtiäššiulmuu kanslia kiävttá meid ovdâskode kanslia juovâččemlistoid. Luuvâ ovdâskode viermisiijđoin lase persovntiäđui kieđâvušmist media šleđgâpostâlistoin (suomâkielân).

Moos mii kieđâvuššâm vuáđuduvá

Mij kieđâvuššâp persovntiäđuid vâi nuávdittiččijm digipalvâluslaavâ (306/2019) 5 § miäldásii kenigâsvuođâ faallâđ puohháid máhđulâšvuođâ toimâttiđ jieijâs ášástâllâmtáárbun lohtâseijee šleđgâhámásijd viestâid já äššikiirjijd kevttimáin digitallijd palvâlusâid tâi eres šleđgâhámásijd tiäđusirdemvuovijd. Persovntiäđui kieđâvuššâm vuáđuduvá tiätusyejiasâttâs 6 artikla 1 saje c vyelisajan.

Mij kieđâvuššâp eromâš persovntiätujuávhuid almolii hiäđu vuáđuld (tiätusyejiasâttâs (EU 2016/679) 9 artikla 2 saje g vyelisaje já tiätusyejilaavâ (1050/2018) 6 § 1 mom. 2 saje.

Mij kieđâvuššâp media šleđgâpostâjuovâččemlisto persovntiäđuid almolii hiätun kyeskee pargo olášuttem várás já ovdâskode riehtiäššiulmuu kanslian kullee almos vääldi kevttim várás (tiätusyejiasâttâs (EU 2016/679) 6 artikla 1 saje e vyelisaje).

Tiäđui luovâttem

Tiäđuh iä luovâttuu njuolgâduslávt.

Ovdâskode riehtiäššiulmuu kanslia kevttim tiätuvuáháduvâi palvâluspyevtitteijeeh peesih tiäđoid paijeentoollâm- já ovdedempargoi várás. Toh kieđâvušeh persovntiäđuid ovdâskode riehtiäššiulmuu kanslia toimânadelem vuáđuld, iäge toh uážu kieđâvuššâđ tiäđuid eres ko soppum palvâlus pyevtittem várás.

Tiäđuh luovâttuvvojeh toid táttoo virgeomâhái tooimâ almosvuođâst adelum laavâ miäldásávt. Tiäđuh já äššikirjeh láá almoliih, peic jis toh láá lavváin sierâ asâttum syeligâsâst toollâmnáál.

Tiäđuh iä luovâttuu njuálgumarkkânistem já uáivil- tâi markkântutkâmuš várás.

Tiäđuh iä sirduu Euroop union (EU) tâi Euroop ruttâtuálukuávlu (ETA) ulguubel.

Tuu tiätusyejivuoigâdvuođah

Luuvâ lase jieijâd tiätusyejivuoigâdvuođâin