Tuâjjooccmõš
Tuâjjooccâmprosessa õhttneei personteâđai ǩiõttʼtõõllmõš
Õlmstâʹttep teâđaid ääv-viiʹrjin Valtiolle.fi-kääzzkõõzzâst, kååʹtt lij väʹlddääʹššlaž kanaal tuâjjooccmõõžž kuâđđmõʹšše. Valtiolle.fi-kääzzkõõzzâst noorrâp vaʹlljemproseeʹss beäʹlnn tääʹrǩes teâđaid, koid oocci jiõčč oudd ooccmõõžž kuâđđmõõžž õhttvuõđâst.
Eeʹttiǩ-kååʹdd vuõiggâdvuõttäʹššoummu kanslia tåimm Riikk tällõs- da personkåʹddvaaldâšm kääzzkõskõõskõõõzz (Palkeet) õhttsažrekisterõõʹnnʼjen Valtiolle.fi -kääzzkõõzzâst åårrai personteâđai beäʹlnn. Looǥǥ lââʹzz Palkeet spraavâm personteâđai ǩiõttʼtõõllmõõžžâst Valtiolle.fi -kääzzkõõzzâst (lääddas).
Ooccmõõžž vuäitt še vuõltteed neʹttpååʹšt mieʹldd leʹbe kueʹđđed põʹmmailomaakkin rekisterâʹsttemkonttra ooccâmiʹlmmtõõzzâst peäggtum naaʹlin.
Ooccmõõžžid viiǥǥât eeʹttiǩ-kååʹdd vuõiggâdvuõttäʹššoummu kanslia ääʹššvaaldummša. Raajjâp ooccâmproseeʹss puuʹđeen nõõmtõstuʹmmstõõǥǥ, koʹst verddõõlât ooʒʒji tiânnsid. Lââʹssen raajim oocciloǥstõõǥǥ da tiânâsõʹhtteǩeässmõõžž ooʒʒjin. Vergga leʹbe tuõjju nõõmtum persoon ooccâmäʹššǩeeʹrj seeiltet põõššinalla da jeeʹres ooʒʒji ooccâmäʹššǩeeʹrj seeiltet kueʹhtt eeʹjj. Seeiltemääiʹj meäʹrtâʹvve vuõiggâdvuõttkanslia teâđohjjeemplaan da arkiivlääʹjj meâldlânji. Looǥǥ lââʹzz tåimmväldda kuulli aaʹšši ǩiõttʼtõõllmõʹšše õhttneei personteâđai ǩiõttʼtõõllmõõžžâst.
Nõõmtemnalla eʹtǩǩeemnallšem vueiʹtet tuejjeed ooʒʒi miâsttmõõžžin ooudbeäʹlnn nõõmtummuž vuâđđmallsaž persontuõrvlažvuõttčiõlǥtõs (tuõrvlažvuõttčiõlǥtõslääʹǩǩ 726/2014). Tuõrvlažvuõttčiõlǥtõs âânn seʹst še ålggjânnamčõõnâsvuõđi seʹlvvtummuž. Lââʹssteâđaid tuõrvlažvuõttčiõlǥtõsmõõntõõllmõʹšše õhttneei personteâđai ǩiõttʼtõõllmõõžžâst addrõõzzâst supo.fi/turvallisuusselvitysrekisteri.
Valtiolle.fi-kääzzkõõzz pääiʹǩ noorrâmvuâla teâđ
Ooʒʒi indentifiâʹsttemteâđ: nõmm, addrõs, teʹlfon, sooǥǥbieʹll, jeeʹres vueiʹtlvaž õhttvuõtt-teâtt di lååʹpp liâđǥlaž teâttanouddmõʹšše.
Ooʒʒi ooccmääžžâst čuäʹjtemvuâla teâđ jijstad, ouddmiârkkân škooultõs- da tuâjjǩiččlâʹsttemteâđ, jeeʹres ooʒʒi ooccmõõžžâs tuäʹrjjen tååimtem teâđ, mâta nõmmǩeʹrjj/merittloǥstõk, škooul- da mätt-tuõđštõõzz, tuâjjtuõđštõõzz, ooʒʒi iʹlmmtem siâzztõõlli, jeeʹres tuâjjooccmõʹšše da veeʹrjteâuddem määinaid õhttneei taarblaž teâđ.
Ääv-viiʹrjid tillʼlõvvum ooccmõõžž seilla Valtiolle.fi -kääzzkõõzzâst kueʹhtt eeʹjj rekrytâʹsttemproseeʹss loopptummuž mâŋŋa da tõn mâŋŋa ooccmõõžž anonymisââʹstet da tõi teâđ liâ ââʹnnemnalla tåʹlǩ lååkkan raportâʹsttemdatast. Äävooccmõõžž beäʹlnn oocci vuäitt jiõčč meäʹrtõõllâd ooccmõõžž seillmõõžž viõǥǥâståårramääiʹj, kååʹtt lij jäänmõsân kueʹhtt eeʹjj. Ooʒʒi õõʹnnitiõtt da tõõzz seeiltum teâđaid di äävooccmõõžžid jaukkeet automaattlânji õõʹnnitiõtt ååreen eeʹjj ââʹnnǩani. Ooudbeäʹlnn õõʹnnitiill jaukkummuž ooccja iʹlmmtet ääʹššest. Oocci vuäitt še kuäʹss täättas jiõčč jaukkeed õõʹnnitiillâs õõʹnniprofiilâst. Õõʹnniprofiil jaukkummuž mieʹtt še äävooccmõõžž jäuʹǩǩe. Rekrytâsttmõõžžid vuõlttuum ooccmõõžž da tõi teâđ kuâđđje riâžldõʹǩǩe rekrytâsttmõõžžid kuâsttjemnalla, poka tõid anonymisõõʹstet ooudbeälnn ilmmtum meâldlânji.
Koozz ǩiõttʼtõõllmõš vuâđđââvv
Ǩiõttʼtõõllâp personteâđaid eeʹttiǩ-kååʹdd vuõiggâdvuõttäʹššoummu kanslia kuõskki lääʹjjmeâldlaž õõlǥtõõzz jääʹǩǩtem diõtt:
- Teâttsuõjj-asetõõzz (EU 2016/679) 6 artikla 1 pääiʹǩ c vueʹllpäiʹǩǩ
- Lääʹǩǩ eeʹttiǩ-kååʹdd veʹrǧǧoummuin (1197/2003), tuâjjsuåppâmlääʹǩǩ (55/2001)
- Nõmmǩeʹrjjlääʹǩǩ (1010/1989) da -asetõs (1322/1989)
- Lääʹǩǩ privaattlažvuõđ suõjâst tuâjj-jieʹllmest (759/2004)
- Tuõrvlažvuõttlääʹǩǩ (726/2014)
Teâđai luõvtummuš
Teâđaid jeät luõvât vuâkkõõzz meâldlânji.
Teâđaid luõvtet tõid raukki veʹrǧǧniiʹǩǩi tåimmjummuž õõlmâsvuõđâst uvddum lääʹjj meâldlânji. Teâđ da äʹššǩeeʹrj liâ õlmmsa, jõs tõid jeät leäkku aainâs laaʹjjin šiõttuum peeitast ââʹnnemnalla.
Eeʹttiǩ-kååʹdd vuõiggâdvuõttäʹššoummu kanslia ââʹnnem teâttriâžldõõǥǥi kääzzkõspuuʹtʼteei peäʹsse teâđaid âʹlnnõõʹnni- da ooudâsviikkâmtuâjai diõtt. Tõk ǩiõttʼtâʹlle personteâđaid eeʹttiǩ-kååʹdd vuõiggâdvuõttäʹššoummu kanslia teâttanouddmõõžžâst, jiâ-ǥa tõk vuäǯǯ ǩiõttʼtõõllâd teâđaid jeeʹres ǥu suåppum kääzzkõõzz puuʹttummša.
Teâđaid jeät luõvât vuõiggmârkknâʹsttem da juurd- leʹbe markknâʹsttemtuʹtǩǩummuž diõtt.
Teâđaid jeät seeʹrd Euroopp unioon (EU) leʹbe Euroopp tällõsvuuʹd (ETA) åålǥbeälla.